Catholic Search
Custom Search
Gloria, Laus et Honor Tibi Sit
Download a MIDI
of this hymn
Refrain:
Gloria, laus et honor, tibi sit,
Rex Christe Redemptor:
Cui puerile decus
prompsit Hosanna pium.
Israel es tu Rex,
Davidis et inclita proles:
Nomine qui in Domini,
Rex benedicte, venis.
Refrain
Coetus in excelsis
te laudat caelicus omnis,
Et mortalis homo,
et cuncta creata simul.
Refrain
Plebs Hebraea tibi
cum palmis obvia venit:
Cum prece, voto, hymnis,
adsumus ecce tibi.
Refrain
Hi tibi passuro
solvebant munia laudis:
Nos tibi regnanti
pangimus ecce melos.
Refrain
Hi placuere tibi,
placeat devotio nostra:
Rex bone, Rex clemens,
cui bona cuncta placent.
Refrain
Return to
Gregorian Chant Lyrics
page on
ChantCd.com
