Lyrics to Chant Compendium 4 from

ChantCD.com

Note: When a letter is in parenthesis ( ) it means that you do not pronounce it. It is called an elision, and is used to reduce the number of syllables (like using e’er instead of ever in a poem). Example: “culp(ae) ut relinquant” is pronounced “culp ut relinquant”. 1. Miserator Dominus Antiphon: Miserator Dominus escam dedit timentibus se in memoriam suorum mirabilium. Psalm 110 - Confitebor Tibi 1. Confitebor tibi Domine in toto corde meo: * in consilio iustorum, et congregatione. 2. Magna opera Domini: * exquisita in omnes voluntates eius. 3. Confessio et magnificentia opus eius: * et iustitia eius manet in saeculum saeculi. 4. Memoriam fecit mirabilium suorum † misericors et miserator Dominus: * escam dedit timentibus se. 5. Memor erit in saeculum testamenti sui: * virtutem operum suorum annuntiabit populo suo 6. Ut det illis haereditatem gentium: * opera manuum eius veritas et iudicium. 7. Fidelia omnia mandata eius † confirmata in saeculum saeculi: * facta in veritate et aequitate. 8. Redemptionem misit populo suo: * mandavit in aeternum testamentum suum. 9. Sanctum et terribile nomen eius: * initium sapientiae timor Domini. 10. Intellectus bonus omnibus facientibus eum: * laudatio eius manet in saeculum saeculi. 11. Gloria Patri, et Filio, * et Spiritui Sancto. 12. Sicut erat in principio, et nunc, et semper, * et in saecula sæculorum. Amen. Repeat Antiphon. 2. Panis Angelicus Panis angelicus fit panis hominum; Dat panis caelicus figuris terminum: O res mirabilis! manducat Dominum Pauper, servus, et humilis. Te trina Deitas unaque poscimus: Sic nos tu visita, sicut te colimus; Per tuas semitas duc nos quo tendimus, Ad lucem quam inhabitas. Amen. 3. Virgo Dei Genitrix 1. Virgo Dei Genitrix, quem totus non capit orbis: In tua se clausit viscera factus homo. 2. Vera fides Geniti purgavit crimina mundi, Et tibi virginitas inviolata manet. 3. Te matrem pietatis, opem te clamitat orbis: Subvenias famulis, O benedicta, tuis. 4. Gloria magna Patri, compar sit gloria Nato, Spiritui Sancto gloria magna Deo. Amen. 4. Credo VI Credo in unum Deum, Patrem omnipotentem, factorem caeli et terrae, visibilium omnium, et invisibilium. Et in unum Dominum Jesum Christum, Filium Dei unigenitum. Et ex Patre natum ante omnia saecula. Deum de Deo, Lumen de lumine, Deum verum de Deo vero. Genitum, non factum, consubstantialem Patri: per quem omnia facta sunt. Qui propter nos homines, et propter nostram salutem descendit de caelis. Et incarnatus est de Spiritu Sancto ex Maria Virgine: Et homo factus est. Crucifixus etiam pro nobis: sub Pontio Pilato passus, et sepultus est. Et resurrexit tertia die, secundum Scripturas. Et ascendit in caelum: sedet ad dexteram Patris. Et iterum venturus est cum gloria, judicare vivos et mortuos: cuius regni non erit finis. Et in Spiritum Sanctum, Dominum, et vivificantem: qui ex Patre Filioque procedit. Qui cum Patre et Filio simul adoratur, et conglorificatur: qui locutus est per Prophetas. Et unam sanctam catholicam et apostolicam Ecclesiam. Confiteor unum baptisma in remissionem peccatorum. Et exspecto resurrectionem mortuorum. Et vitam venturi saeculi. Amen. 5. Sunday Vespers Part I V. Deus in adiutorium meum intende. R. Domine ad adiuvandum me festina. Gloria Patri, et Filio, et Spiritui Sancto. Sicut erat in principio, et nunc, et semper, et in saecula sæculorum. Amen. Alleluia. Antiphon 1: Dixit Dominus Domino meo: Sede a dextris meis. Psalm 109 – Dixit Dominus 1. Dixit Dominus Domino meo: * Sede a dextris meis. 2. Donec ponam inimicos tuos, * scabellum pedum tuorum. 3. Virgam virtutis tuae emittet Dominus ex Sion: * dominare in medio inimicorum tuorum. 4. Tecum principium in die virtutis tuae in splendoribus sanctorum: * ex utero ante luciferum genui te. 5. Iuravit Dominus, et non paenitebit eum: * Tu es sacerdos in aeternum secundum ordinem Melchisedech. 6. Dominus a dextris tuis, * confregit in die irae suae reges. 7. Iudicabit in nationibus, implebit ruinas: * conquassabit capita in terra multorum. 8. De torrente in via bibet: * propterea exaltabit caput. 9. Gloria Patri, et Filio, * et Spiritui Sancto. 10. Sicut erat in principio, et nunc, et semper, * et in saecula sæculorum. Amen. Repeat Antiphon 1.

Antiphon 2: Magna opera Domini, exquisita in omnes voluntates eius. Psalm 110 – Confitebor Tibi (see Track #1) Repeat Antiphon 2. 6. Sunday Vespers Part II Antiphon 3: Qui timet Dominum, in mandatis eius cupit nimis. Psalm 111 – Beatus Vir 1. Beatus vir qui timet Dominum: * in mandatis eius volet nimis. 2. Potens in terra erit semen eius: * generatio rectorum benedicetur. 3. Gloriae et divitiae in domo eius: * et iustitia eius manet in saeculum saeculi. 4. Exortum est in tenebris lumen rectis: * misericors, et miserator, et iustus. 5. Iucundus homo qui miseretur et commodat, † disponet sermones suos in iudicio: quia in aeternum non commovebitur. 6. In memoria aeterna erit iustus: * ab auditione mala non timebit. 7. Paratum cor eius sperare in Domino, † confirmatum est cor eius: * non commovebitur donec despiciat inimicos suos. 8. Dispersit, dedit pauperibus: † iustitia eius manet in saeculum saeculi: * cornu eius exaltabitur in gloria. 9. Peccator videbit, et irascetur, † dentibus suis fremet et tabescet: * desiderium peccatorum peribit. 10. Gloria Patri, et Filio, * et Spiritui Sancto. 11. Sicut erat in principio, et nunc, et semper, * et in saecula sæculorum. Amen. Repeat Antiphon 3. Antiphon 4: Sit nomen Domini benedictum in saecula. Psalm 112 – Laudate Pueri Dominum 1. Laudate pueri Dominum: * laudate nomen Domini. 2. Sit nomen Domini benedictum, * ex hoc nunc, et usque in saeculum. 3. A solis ortu usque ad occasum, * laudabile nomen Domini. 4. Excelsus super omnes gentes Dominus, * et super caelos gloria eius. 5. Quis sicut Dominus Deus noster, qui in altis habitat, * et humilia respicit in caelo et in terra? 6. Suscitans a terra inopem, * et de stercore erigens pauperem: 7. Ut collocet eum cum principibus, * cum principibus populi sui. 8. Qui habitare facit sterilem in domo, * matrem filiorum laetantem. 9. Gloria Patri, et Filio, * et Spiritui Sancto. 10. Sicut erat in principio, et nunc, et semper, * et in saecula sæculorum. Amen. Repeat Antiphon 4. 7. Sunday Vespers Part III Antiphon 5: Magna opera Domini, exquisita in omnes voluntates eius. Psalm 113 – In Exitu Israel 1. In exitu Israel de Aegypto, * domus Iacob de populo barbaro. 2. Facta est Iudaea sanctificatio eius, * Israel potestas eius. 3. Mare vidit et fugit: * Iordanis conversus est retrorsum. 4. Montes exultaverunt ut arietes: * colles sicut agni ovium. 5. Quid est tibi mare quod fugisti? * et tu Iordanis quia conversus es retrorsum? 6. Montes exultastis sicut arietes* et colles sicut agni ovium. 7. A facie Domini mota est terra, * a facie Dei Iacob. 8. Qui convertit petram in stagna aquarum, * et rupem in fontes aquarum. 9. Non nobis Domine non nobis: * sed nomini tuo da gloriam. 10. Super misericordia tua et veritate tua: * nequando dicant gentes: Ubi est Deus eorum? 11. Deus autem noster in caelo: * omnia quaecumque voluit fecit. 12. Simulacra gentium argentum et aurum, * opera manuum hominum. 13. Os habent et non loquentur: * oculos habent et non videbunt. 14. Aures habent et non audient: * nares habent et non odorabunt. 15. Manus habent et non palpabunt + pedes habent et non ambulabunt: * non clamabunt in gutture suo. 16. Similes illis fiant qui faciunt ea: * et omnes qui confidunt in eis. 17. Domus Israel speravit in Domino: * adiutor eorum et protector eorum est. 18. Domus Aaron speravit in Domino: * adiutor eorum et protector eorum est. 19. Qui timent Dominum speraverunt in Domino: * adiutor eorum et protector eorum est. 20. Dominus memor fuit nostri: * et benedixit nobis. 21. Benedixit domui Israel: * benedixit domui Aaron. 22. Benedixit omnibus qui timent Dominum, * pusillis cum maioribus. 23. Adiciat Dominus super vos: * super vos, et super filios vestros.

24. Benedicti vos a Domino, * qui fecit caelum et terram. 25. Caelum caeli Domino: * terram autem dedit filiis hominum. 26. Non mortui laudabunt te Domine: * neque omnes qui descendunt in infernum. 27. Sed nos qui vivimus, benedicimus Domino, * ex hoc nunc et usque in saeculum. 28. Gloria Patri, et Filio, * et Spiritui Sancto. 29. Sicut erat in principio, et nunc, et semper, * et in saecula sæculorum. Amen. Repeat Antiphon 5. 8. Sunday Vespers Part IV Hymn – Lucis Creator Optime 1. Lucis Creator optime, Lucem dierum proferens, Primordiis lucis novae Mundi parans originem. 2. Qui mane iunctum vesperi Diem vocari praecipis: Illabitur tetrum chaos, Audi preces cum fletibus. 3. Ne mens gravata crimine, Vitae sit exsul munere, Dum nil perenne cogitat, Seseque culpis illigat. 4. Caeleste pulset ostium, Vitale tollat praemium: Vitemus omne noxium, Purgemus omne pessimum. 5. Praesta, Pater piissime, Patrique compar Unice, Cum Spiritu Paraclito, Regnans per omne saeculum. Amen. V. Dirigatur Domine oratio mea. R. Sicut incensum in conspectu tuo. Antiphon: Colligite primum zizania, et alligate ea in fasciculos ad comburendum: triticum autem congregate in horreum meum, dicit Dominus. Magnificat (Luke 1:46) 1. Magnificat * anima mea Dominum. 2. Et exsultavit spiritus meus * in Deo salutari meo. 3. Quia respexit humilitatem ancillae suae: * ecce enim ex hoc beatam me dicent omnes generationes. 4. Quia fecit mihi magna qui potens est: et sanctum nomen ejus. 5. Et misericordia ejus a progenie in progenies * timentibus eum. 6. Fecit potentiam in brachio suo * dispersit superbos mente cordis sui. 7. Deposuit potentes de sede, * et exaltavit humiles. 8. Esurientes implevit bonis: * et divites dimisit inanes. 9. Suscepit Israel puerum suum, recordatus misericordiæ suæ. 10. Sicut locutus est ad patres nostros * Abraham at semini eius in saecula. 11. Gloria Patri, et Filio, * et Spiritui Sancto. 12. Sicut erat in principio, et nunc, et semper, * et in saecula sæculorum. Amen. Repeat Antiphon. V. Benedicamus Domino. R. Deo Gratias. 9. Responsum (Comm) Responsum accepit Simeon a Spiritu Sancto, non visurum se mortem, nisi videret Christum Domini. 10. Magnificat 1. Magnificat * anima mea Dominum. 2. Et exsultavit spiritus meus * in Deo salutari meo. 3. Quia respexit humilitatem ancillae suae: * ecce enim ex hoc beatam me dicent omnes generationes. 4. Quia fecit mihi magna qui potens est: et sanctum nomen ejus. 5. Et misericordia ejus a progenie in progenies * timentibus eum. 6. Fecit potentiam in brachio suo * dispersit superbos mente cordis sui. 7. Deposuit potentes de sede, * et exaltavit humiles. 8. Esurientes implevit bonis: * et divites dimisit inanes. 9. Suscepit Israel puerum suum, recordatus misericordiæ suæ. 10. Sicut locutus est ad patres nostros * Abraham at semini eius in saecula. 11. Gloria Patri, et Filio, * et Spiritui Sancto. 12. Sicut erat in principio, et nunc, et semper, * et in saecula sæculorum. Amen. 11. Sanctus (Mass IV) Sanctus, Sanctus, Sanctus Dominus Deus Sabbaoth. Pleni sunt caeli et terra gloria tua. Hosanna in excelsis. Benedictus qui venit in nomine Domini. Hosanna in excelsis. 12. Mihi Autem (Introit) Mihi autem nimis honorati sunt amici tui, Deus: nimis confortatus est principatus eorum. Ps. Domine probasti me, et cognovisti me: tu cognovisti sessionem meam, et resurrectionem meam. Gloria Patri et Filio, et Spiritui Sancto. Sicut erat in principio, et nunc, et semper, et in saecula sæculorum. Amen. 13. In Exitu Israel (Easter mode) (see Track #7) 14. Te Lucis (Pentecost mode) 1. Te lucis ante terminum, Rerum Creator, poscimus, Ut pro tua clementia, Sis praesul et custodia. 2. Procul recedant somnia, Et noctium phantasmata: Hostemque nostrum comprime, Ne polluantur corpora. 3. Praesta, Pater piissime, Patrique compar Unice, Cum Spiritu Paraclito, Regnans per omne saeculum. Amen.

15. En Ut Superba Criminum 1. En ut superba criminum Et saeva nostrorum cohors Cor sauciavit innocens Merentis haud tale Dei! 2. Vibrantis hastam militis Peccata nostra dirigunt, Ferrumque dirae cuspidis Mortale crimen acuit. 3. Ex Corde sciss(o) Ecclesia, Christo jugata, nascitur: Hoc osti(um) arc(ae) in later(e) est Gent(i) ad salutem positum. 4. Ex hoc perennis gratia, Ceu septiformis fluvius, Stolas ut illic sordidas Lavemus Agn(i) in sanguine. 5. Turp(e) est redir(e) ad crimina, Quae Cor beatum lacerent: Sed aemulemur cordibus Flammas amoris indices. 6. Jesu, tibi sit gloria, Qui Corde fundis gratiam, Cum Patr(e) et almo Spiritu In sempiterna saecula. Amen. V. Haurietis aquas in gaudio. R. De fontibus Salvatoris. 16. Litany of the Sacred Heart Kyrie, eléison. (Repeat) Christe, eléison. (Repeat) Kyrie, eléison. (Repeat) Christe, audi nos. (Repeat) Christe, exáudi nos. (Repeat) Pater de cælis, Deus. Miserére nobis. Fili, Redémptor mundi, Deus. Miserere… etc. Spíritus Sancte, Deus. Sancta Trinitas, unus Deus. Cor Jesu, Filii Patris aeterni, Cor Jesu, in sinu Virginis Matris a Spiritu Sancto formatum, Cor Jesu, Verbo Dei substantialiter unitum, Cor Jesu, maiestatis infinitae, Cor Jesu, templum Dei sanctum, Cor Jesu, tabernaculum Altissimi, Cor Jesu, domus Dei et porta caeli, Cor Jesu, fornax ardens caritatis, Cor Jesu, iustitiae et amoris receptaculum, Cor Jesu, bonitate et amore plenum, Cor Jesu, virtutum omnium abyssus, Cor Jesu, omni laude dignissimum, Cor Jesu, rex et centrum omnium cordium, Cor Jesu, in quo sunt omnes thesauri sapientiae et scientiae, Cor Jesu, in quo habitat omnis plenitudo divinitatis, Cor Jesu, in quo Pater sibi bene complacuit, Cor Jesu, de cuius plenitudine omnes nos accepimus, Cor Jesu, desiderium collium aeternorum, Cor Jesu, patiens et multae misericordiae, Cor Jesu, dives in omnes qui invocant te, Cor Jesu, fons vitae et sanctitatis, Cor Jesu, propitiatio pro peccatis nostris, Cor Jesu, saturatum opprobriis, Cor Jesu, attritum propter scelera nostra, Cor Jesu, usque ad mortem obediens factum, Cor Jesu, lancea perforatum, Cor Jesu, fons totius consolationis, Cor Jesu, vita et resurrectio nostra, Cor Jesu, victima peccatorum, Cor Jesu, salus in te sperantium, Cor Jesu, spes in te morientium, Cor Jesu, deliciae sanctorum omnium, Agnus Dei, qui tollis peccáta mundi. Parce nobis, Dómine. Agnus Dei, qui tollis peccáta mundi. Exáudi nos, Dómine. Agnus Dei, qui tollis peccáta mundi. Miserére nobis. V. Jesu mitis et humilis Corde. R. Fac cor nostrum secundum Cor tuum.

Chant Compendium 4